廣播劇：突然獨身（全９集＋特輯）

GayRadio於2006年8月公開招募，9-12月製作，2007年1-4月播出之改編廣播劇。

原著小說簡介：講述 Linus 和男友相戀同居七年後某天，意外撞破男友的好事。Linus 毅然選擇分手，可是一段關係的結束，並不像上網一 Click 便能切斷和有連繫。作者以第一身自述一對戀人分手的糾纏、矛盾及掙扎。

作者葉志偉，2003 年作品。

第一集：突然
客串演出：葉志偉
尋人啟事：尋鬼鬼地口音中國籍男子，身高6呎1吋，體重180磅，失蹤時無著衫，與少年響床上扑野，如有消息，請通知 Linus，薄酬……

第二集：逃
Linus：響我知道 Jason 咁多野之後，我竟然仲係好鍾意佢呀，但係我唔想連最基本既尊嚴都無埋，依家除左避開下之外，我仲可以做乜野呀？

第三集：Sorry I can’t!
Linus：當我仲響度一件件衫咁除緊既時候，側邊已經有幾個人入完黎又出去，點解佢地可以咁熟手？Linus，你入黎唔係就係要除晒衫同人亂搞架咩！又響到扮咩矜持呀？

第四集：貪戀
Linus：我同 Jason 又響返埋一齊。我知道我同佢都響度努力，希望令對方開心。但有時我會諗，我地愈落力，其實係咪代表，我地愈有問題呢？

第五集：等待
Linus： Jason 隻手，同平時一樣響度唔安分咁響到搞搞震。以前我都會比佢搞HIGH晒，但係今晚，我只係等緊果機會同佢講果兩樣野，根本唔會有心情享受。

第六集：我都愛過你
客串演出：民＠LoftStage
Linus：佢… 佢話佢愛我呀！原來我仲係鍾意佢架，但係… Daniel，點解呀，你話俾我知… 點解大家仲鍾意對方，但係都唔可以響一齊丫？你話我知點解…

第七集：再生
客串演出：孫大人、穴穴、比你、Jackson
我見到 Jason… 忽然間，響我周圍既野，全部都變得好慢、好慢… 唯一確定我仲未死既，係我愈黎愈急既心跳聲… 雖然大家都覺得講外形，我哂贏佢拖住果件，不過咁又點？後生真係本錢黎！輸果個，其實係我！

第八集：慾
Linus：響我離開果個人間屋嘅時候，我終於明白到，一夜情果種空虛嘅感覺！點解我會淪落到咁嘅地步？一路自己都循規蹈矩，就係唔想自己做錯事。但係今次，俾性慾沖昏頭腦，居然會搞成咁，我應該點樣做？

第九集（大結局）：幸福
Linus：大家都比以前成熟左好多，Daniel 同 Rex 呢一對，終於有機會響埋一齊；而我呢，就再唔需要 Daniel 呢個大哥哥當我仔咁湊住，同 Jason 分左手後，反而令我睇清左好多事情，令我同佢既世界都大左……

突然 Phone Out！製作特輯
主持：比你@性在夠吉士、KiM＠今日吹一吹 嘉賓：米高（飾演Daniel）、昆頓（飾演Patrick、編劇）、記者甲（編劇、導演）
《突然獨身》廣播劇台前幕後，響首創「Phone Out」環節解答聽眾問題！有野想知就千祈咪錯過啦！
 Part 1  配音要呻吟，演員會唔會面紅？                       

 

Part 2     葉志偉對套劇有咩期望？

突然 NG！
想知我地錄音有咩趣事，又想知廣播劇有幾多不為人知既「事實」？廣播劇組特別炮製呢個長達 8 分鐘既特輯，一於同大家一齊聽，一齊笑，一齊分享！

廣播劇登場角色介紹

Masu 演 Linus
年齡：25歲
星座：雙子座
背景：溫室╴長大的小朋友，第一份工就遇上初戀男友 Jason，並極速與他展開四年的拍拖同居生活。閒時學瑜伽、煮飯，十足生活無憂的賢內助。因早早認識男友，故對真實的同志圈子仍停留在二十出頭的探索期。某天在「不當時候」回家，遇上男友鬼混，出走好友兼契大佬Daniel家，展開獨身新生活。

 Johnathan 演 Jason
年齡：35歲
星座：天瓶座
背景：ABC一名，高大外型，有男人味。懂說話，人緣好，多群蜂浪蝶，就算拍拖後身材「發褔」，仍無損其男士魅力。和 Linus 拍拖四年，意外和上海按摩師發生「婚外情」便一發不可收拾，直至被 Linus 正式撞破那一天……

米高 演 Daniel
年齡：30歲
星座：獅子座
背景：設計師並開設時裝店，平時愛打扮，具潮流觸覺，姿整但不 camp。愛蒲愛玩，屬樣靚身材正的一類，但條件太好又未能Keep人，遂把心一橫，周旋於一眾 Number 男，以自身條件響盡齊人之褔。雖然對愛情失望，但對朋友甚有義氣，尤其是契細佬般的 Linus 更是百般呵護，義不容辭地關照。

郁 演 漢琴
年齡：31歲
星座：處女座
背景：空姐，也是 FagHag 一名，是 Linus 的親密好友，因暗戀同志男同事，轉折下認識 Linus。有個大肚腩男友。遇事巴辣果斷，唯獨是對自己男友千依百順，隨傳隨到。

安 演 Catherine
年齡：28歲
背景：典型 FagHag， Linus 非常要好的女性朋友，外號「神婆」，擁有非凡的看相能力，精於堪輿術數。

阿the 演 Rex
年齡：26歲
背景：Daniel 的其中一個男性伴，外形健美，也以健身教練為業，吸引一眾狂蜂浪蝶團團轉卻始終寂寞。

昆頓 演 Patrick
年齡：33歲
背景：常到同志桑拿找尋一夜情，也在桑拿中和 Linus 遇上。單身太久，變得不相信愛情，過著經常釣魚的日子。

希 演 Naty
年齡：25歲
背景：女同志，性格獨立果斷，對感情不拖泥帶水。有捲煙的習慣，常被人誤作吸食大麻。

製作資料
監製：Roadster
導演：記者甲
原著小說：葉志偉
改編劇本：昆頓、記者甲
混音：Hong C Fu
剪接：記者甲、Eric+
統籌：Jazz
製作助理：煒

主題曲：〈突然獨身〉
英文版：Suddenly Single
插曲：〈The Best Is Yet To Come
插曲：〈一支煙的時間〉
插曲：〈State of Mind
曲、詞、唱：Chet Lam 林一峰

配樂：nijuy
原插圖：歐陽應霽
本劇網頁及宣傳品設計：Roadster